AGB
- Champ d'applicaziun
- Partenari contractual
- Purschida e conclusiun dal contract
- Text dal contract
- Pretschs e cuosts d'expediziun
- Supplement da facturaziun
- Cundiziuns da consegna
- Consegna
- Reclamaziuns (responsabladad per defects)
- Transport e responsabladad per il transport
- Returs
- Pajament
- Cundiziuns da pajament
- Reserva da proprietad
- Garanzia
- Protecziun da datas
- Post da dretgira
1. Champ d'applicaziun
Per tut las consegnas da Robert Rieffel AG a consumenta e consuments valan questas cundiziuns generalas da vendita (CGV).
2. Partenari contractual
Il contract da cumpra vegn concluds cun:
Robert Rieffel AG
Widenholzstrasse 8
8304 Wallisellen
Vus pudais contactar noss servetsch a la clientella per dumondas, reclamaziuns e contestaziuns dals dis da lavur da las 8:00 fin las 17:00 al numer da telefon +41 (0)44 877 33 33 sco er per e-mail a info@rieffel.ch.
3. Purschida e conclusiun dal contract
La preschentaziun dals products en la buttega online n'è nagina purschida giuridicamain liganta, mabain ina invitaziun d'empustar. Tut las purschidas valan «sco ch'il fatg da rauba dura», en cas ch'i na vegn betg menziun insatge auter tar ils products. Sut resalva d'sbagls. Cun cliccar sin il buttun «Far l'empustaziun» en l'ultim pass dal process d'empustar dai Vus ina empustaziun ligianta per la rauba ch'è en il chaus da cumpras. Il contract da cumpra vegn be concluds cun la consegna da la rauba empustada u cun ina confermaziun d'empustaziun da medem cuntegn da Robert Rieffel AG.
4. Text dal contract
Il text dal contract vegn memorisà en nos sistems internes. Las datas da l'empustaziun vegnan trametta a Vus per e-mail. Suenter la conclusiun da l'empustaziun n'è il text dal contract per motivs da segirtad betg pli accessibel via Internet.
5. Pretschs e cuosts d'expediziun
Tut ils pretschs èn pretschs en CHF. Tar ils pretschs da vendita sa tracta da pretschs indicativs recumandads inclusiv 8,1 % taglia sin la plivalur. Nus ans reservain il dretg da midar en mintga mument ils pretschs d'artitgels singuls.
6. Supplement da facturaziun
Per empustaziuns sut CHF 50.00 net rechattain nus in supplement da facturaziun da CHF 5.00.
7. Cundiziuns da consegna
Consegnas franco succedan:
§ Trametterias DPD e postalas (1 pachet) a partir da CHF 300.00 net
§ Camiun a partir da CHF 600.00 net
Tar ina valur da rauba net sut CHF 300.00 factureschain nus ils cuosts da transport e d'emballadi tenor la lavur.
Ans includai chapientscha ch'i na ans è betg pussaivel da fixar en anticipaziun ils cuosts da transport e d'emballadi tar ina valur da rauba net sut CHF 300.00, perquai ch'els pon variar ferm tenor la spezia e la quantitad da la rauba empustada u tenor la cumposiziun da Vossa empustaziun.
Cassas-fortas a partir da 30 kg vegnan consegnadas cun camiun franco trottoir, senza plazzament.
Il plazzament da cassas-fortas vegn facturà tenor la lavur e n'è pussaivel be suenter cunvegna precedenta.
Sche naginas europalettas d'barat èn a disposiziun, vegnan quellas facturàs cun CHF 30.00.
Nus ans reservain il dretg d'expedir armaduras da clavs per la posta u cun camiun per evitar donns.
Sche Vus avais dumondas davart la summa dals cuosts da transport e d'emballadi ch'ins ha da spetgar, pudais Vus far quellas gugent en anticipaziun al numer sequent: +41 (0)44 877 33 33
8. Consegna
La consegna succeda be en Svizra ed en il Principadi da Liechtenstein. Il temp da consegna per artitgels che nus avain en magazin importa per regla 1–2 dis da lavur. Robert Rieffel AG na po betg garantir l'arrivà a temp da Vossa consegna.
9. Reclamaziuns (responsabladad per defects)
Las obligaziuns d'examinar ed d'annunziar defects tenor ils art. 201 sgg. CO valan; Vus ans annunziais defects ch'ins po recugnuscher entaifer 3 dis suenter la consegna, defects ch'ins na po betg recugnuscher entaifer 3 dis suenter la constataziun.
10. Transport e responsabladad per il transport
Cun la surdada da la rauba empustada da Vus al transportader (DPD, Posta, spediziun etc.) vala il contract da cumpra sco ademplì e la ristga va sin Vus. Nossa rauba vegn emballada quintadamain e sto vegnir controllada immediatamain suenter l'arrivà. En cas da donns eventuals tras il transport sto Robert Rieffel AG vegnir infurmada senza retard. Senza annunzia immediata dal donn na po nagina responsabladad vegnir surpigliàda.
11. Returs
Rauba da magazin en urden e nundanegiàda, returnada entaifer 14 dis, scrivain nus a bun. Rauba empustada spezialmain per Vus na po betg vegnir returnada u barattada. Ils cuosts per il controll da la rauba e per emballadis originals che mancan, sco er nossas spesas d'expediziun, vegnan cargàs.
12. Pajament
Il pajament succeda a tscherna sin fatura, cun carta da credit u en daners cuntants. In dretg da cumpensaziun ha Vus be, sche Vossas cuntrapretensiuns èn vegnidas constatadas giuridicamain cun forza da dretg, n'èn betg cuntestadas u èn vegnidas renconuschidas per scrit da nus. Vus pudais exercitar in dretg da retenziun be, uschè ditg che las pretensiuns resultan dal medem rapport contractual.
13. Cundiziuns da pajament
30 dis net; a partir dal 61avel di vegn facturà in tschains da mora da 8 %.
14. Reserva da proprietad
La rauba consegnada resta la proprietad da Robert Rieffel AG fin al pajament cumplet.
15. Garanzia
La garanzia succeda tenor las disposiziuns legalas.
16. Protecziun da datas
Robert Rieffel AG tracta confidenzialmain las datas da la clientella ch'èn memorisadas en il rom da l'evasiun d'empustaziuns. Il tractament da las datas succeda en concordanza cun la lescha davart la protecziun da datas. Robert Rieffel AG s'obligescha da betg render accessiblas a terzas persunas datas persunalas da la clientella senza cunvegna precedenta.
17. Post da dretgira
Questas CGV ed ils contracts concluds sin basa da questas CGV èn suttamess exclusivamain al dretg svizzer. Il post da dretgira è Turitg – Wallisellen.